مغرب کے وقت وہ حرم میں تشریف لائے۔ تمام ڈیلیگیشن معین جگہ پر ان کا انتظار کر رہا تھا۔ ان کی رہنمائی میں سب ان کے پیچھے جانے لگے۔ انہوں نے چابی نکالی پہلے ایک دروازہ کھولا پھر دوسرا، آگے سرداب تھا۔ اس کے ایک طرف قبر مبارک۔ یہ قبر مبارک سے قریب ترین جگہ تھی۔

پھر تمام مہمانوں کو دانشگاہ کے مین کیمپس میں لایا گیا۔ وہیں پر تین دن قیام تھا۔ اعلیٰ رہائش اور پُرتکلف کھانے کا انتظام کیا جاتا تھا۔ اسی کیمپس میں مختلف موضوعات پر دنیا کے مایہ ناز سکالرز کے لیکچرز سے استفادہ کرنے کا بھی موقع ملا۔

یہ اپنی نوعیت کی بہترین لائبریری ہے جس میں قدیم اور جدید علوم پر مبنی کتب کی اعلیٰ کولیکشن موجود ہے۔ لائبریری کی انتظامیہ نے ہر شعبے کا تفصیل سے تعارف کروایا۔ انہوں نے تمام شرکاء کو نایاب مخطوطات تک بھی رسائی دی۔ ڈاکٹر علامہ محمد اقبالؒ کی کتب کے لیے مخصوص ہال کو دیکھ کر سب کی خوشی دیدنی تھی۔

انہوں نے مؤسسہ کی کارکردگی بیان کرنے کے ساتھ ساتھ فضائل محمد و آل محمد علیہم السلام اور خصوصاً ولایت حضرت علی علیہ السلام پر بہت تفصیل سے روشنی ڈالی۔ انہوں نے اس بات پر بھی زور دیا کہ مصباح الدجی یونیورسٹی کے اساتذہ اور طلبہ و طالبات کو حوزہ علمیہ قم المقدس کے ساتھ مسلسل ارتباط رکھنا چاہیے۔

ڈیلیگیشن کے سربراہ جناب پروفیسر علامہ غلام صابر صاحب نے پُر وقار استقبال پر ان کا شکریہ ادا کیا۔ آئی ٹی ہیڈ مصباح الدجی یونیورسٹی جناب شوذب علی صاحب نے یونیورسٹی کے آئی ٹی پروگرامز کا اجمالی ذکر کیا اور فارسی سے اردو ٹرانسلیشن کے فرائض انجام دیے۔

تمام شرکاء نے تعقیبات اور مناجات میں بھر پور حصّہ لیا اور اپنے اور اپنے عزیز و اقارب کے لیے دعائیں کیں۔ آخر میں یونیورسٹی کی میڈیا ٹیم نے تمام اراکین کے انٹرویو بھی کیے۔

انہوں نے مؤسسہ کی کاکردگی بیان کرتے ہوئے فرمایا: ’’عالم دین کو صرف دینی علوم کا ماہر نہیں ہونا چاہیے بلکہ اس کے لیے عصری علوم کی آگاہی بھی لازم ہے۔‘‘

ڈیلیگیشن کے سربراہ جناب پروفیسر علامہ غلام صابر صاحب نے ان کا شکریہ ادا کرتے ہوئے ان کے ویژن کو بہت سراہا۔ اس کے بعد جناب ڈاکٹر سید ھدایت صاحب نے Key to Success کے عنوان سے مدلل گفتگو کی۔