علماء امامیہ لاہور سے پروفیسر علامہ غلام صابر کا خطاب

قومیں علم سے مضبوط ہوتی ہیں۔تعلیمات قرآن اور محمدو آل محمد علیہم السلام ہی دنیا و آخرت میں ترقی اور سعادت کی ضمانت ہے ۔ (پروفیسر علامہ غلام صابر)      

لاہور۔۔۔2جون 2010 ء
جون مسجد اعظم مارکیٹ لاہور میں علماء امامیہ لاہور کے اجلاس میں پروفیسر علامہ غلام صابر وائس چانسلر مصباح الدجی یونیورسٹی نے یونیورسٹی کی تبلیغی ،تدریسی اور تحقیقی کار کردگی پر روشنی ڈالی ۔تمام علماء نے تعلیمات قرآن و اہلبیت علیہم  السلام کی اس جدید روش کی بہت تعریف کی اور اپنے تعاون کا یقین دلایا۔اپنے خطاب میں پروفیسر علامہ غلام صابر نے کہا  کہ قومیں علم سے مضبوط ہوتی ہیں  تعلیمات قرآن اور محمدو آل محمد علیہم السلام ہی دنیا و آخرت میں ترقی اور سعادت کی ضمانت ہے ۔ مصباح الدجی یونیورسٹی کے مذہبی پروگرامز سے پانچ ہزار سے زیادہ مومنین و مومنات استفادہ کر چکے ہیں ۔ پوری دنیا کے مومنین و مومنات گھربیٹھے مصباح الدجی یونیورسٹی کے فری مذہبی تعلیمی پروگرامز میں داخلہ لے کرتعلیم حاصل کر سکتے ہیں۔ نصابی کتب و سی ڈیز کے علاوہ کورسز کی کوئی فیس نہیں ۔ نمایاں پوزیشن حاصل کرنے والے طلبہ و طالبات کے لیے حوزہ علمیہ قم و مشہد میں تعلیمی ورکشاپس کا بھی اہتمام ہے۔ یونیورسٹی کے علماء کرام ، کوآرڈی نیٹرز اور طلبہ و طالبات پر مشتمل ایک وفد مجمع جہانی اہل بیت علیہم السلام تہران کی دعوت پر مقامات مقدسہ کی زیارت اور حوزہ ہاے علمیہ کے تعلیمی دورہ کے لیے ایران جا رہا ہے۔پروفیسر علامہ صابر نے مزید کہا کہ ہم علماء امامیہ سے یونیورسٹی کے تبلیغی ، تدریسی اور تحقیقی پروگرامز میں تعاون کی اپیل کرتے ہیں ۔